"1991-1997-ci illərdə ölkəmizin ərazi bütövlüyünün müdafiəsi ilə əlaqədar hərbi xidmətdə olarkən xəsarət alması nəticəsində əlilliyi müəyyən edilmiş, Naxçıvanda yaşayan 441 şəxsə, eyni zamanda məhkəmə hökümü olan 1109 şəxsə birdəfəlik ödəniş verilib. Bu ödənişlərin verilməsi üçün 105,5 milyon manat sərf edilib.

Aztibb.az xəbər verir ki, bunu Dövlət Sosial Müdafiə Fondunun (DSMF) rəhbəri Himalay Məmişov 2022-ci ilin yekunlarına dair mətbuat konfransında deyib.

Bildirib ki, bu il I Qarabağ müharibəsində yaralanan 16 679 şəxsə proaktiv formada birdəfəlik ödəniş təyin edilib. Həmçinin "Zəfər" altsistemi vasitəsilə cari il ərzində təxminən 86 min şəxsə müharibə veteranı təqaüdü verilib və ödənişlər yanvarın 1-dək tam ödənilib.