"Həkimlərimizi tanıyaq!" rubrikasının növbəti qonağı Göygöl Rayon Mərkəzi Xəstəxanasının radioloqu Nailə Əliyevadır.

 

4 yanvar 1986-cı ildə Gəncə şəhərində anadan olub. 2003-2008-ci illərdə ali məktəbi bitirib. 2008-2009-cu illərdə Bakı şəhər M.Əfəndiyev adına 2 saylı Şəhər Klinik Xəstəxanasında Şüa diaqnostikası üzrə internatura keçib.

 

O, 2012-ci ildə Gəncə şəhər 4 saylı Poliklinikanın Şüa diaqnostika şöbəsində, 2014-2017-ci illərdə Naftalan şəhərində ultrasəs müayinə həkimi vəzifələrində çalışıb. 2020-ci ildə Gəncə şəhər DNK MMC tibbi mərkəzində ultrasəs müayinə həkimi işləyir. 2021-ci ildən bu günədək Göygöl Rayon Mərkəzi Xəstəxanasının Radiologiya şöbəsində ultrasəs müayinə həkimi kimi fəaliyyət göstərir.

 

2012-ci ildə Əziz Əliyev adına Azərbaycan Dövlət Həkimləri Təkmilləşdirmə İnstitutunda “Şüa diaqnostikası” üzrə kurs keçib. 2016-2017-ci illərdə Türkiyə Cumhuriyyəti Yeni Yüzyıl Üniversitesi Gaziosmanpaşa Hastanesinin Radilogiya bölümündə, 2022-ci ildə “II Fetal Anomaliyalar” elmi-praktik konfransda iştirak edib.

 

Radioloq tərəfindən aşağıdakı müayinələr aparılır.

 

• Qarın boşluğu üzvlərinin müayinəsi (qaraciyər, öd kisə, öd yolları, mədəaltı vəz, dalaq)

• Urolojı müayinə (böyrəklər və böyrək üstü vəzi, sidik axarları, sidik kisəsi), kişilərdə prostat vəzi (trasabdominal)

• Damarların Doppler müayinəsi: Aşağı və yuxarı ətraf vena və arteriyaların doppleroqrafiyası

• Ginekoloji müayinə (transabdominal və transvaginal)

• Hamiləliyin I, II, III, trimestrlərdə müayinəsi

• Süd vəzilərin ultrasəs müayinəsi

• Qalxanvari vəzin müayinəsi

• Yumşaq toxumanın müayinəsi.