31 yanvar 2022-ci il təvəllüdlü Mədinə Səmədzadə qıcolma və huşsuz vəziyyətdə, 39.5 temperatur ilə Bərdə Rayon Mərkəzi Xəstəxanasının Təcili yardım şöbəsinə çatdırılıb. Xəstəxanaya daxil olarkən vəziyyəti ağır olaraq qiymətləndirilib.

Rayon Xəstəxanasından Aztibb.az-a bildirilib ki, uşaqda damar yolu açmaq mümkün olmadığından həkim-cərrah Ramiz Əhmədov tərəfindən kritik müdaxilə edilərək sümük daxili infuziya tətbiq olunub. Bu müdaxilə ilə olunan yardımlardan sonra xəstənin vəziyyəti stabilləşib.

Xəstə bir gün nəzarətdə saxlanıldıqdan sonra ixtisaslı müayinə və müalicə üçün göndərilib.