Mərkəzi Klinik Xəstəxananın uşaq reanimatoloqu Anar Qurbanov Elmi-Tədqiqat Pediatriya İnstitutunda (ETPİ) "Mexaniki ventilyasiya" mövzusunda çıxış edib.

Bu barədə Aztibb.az-a ETPİ-dən bildirilib.

Seminarda institutun direktoru, t.ü.f.d., dos.Allahverdi Musayev, baş həkimi uzman doktor Azər Əhmədov, direktorun elmi işlər üzrə müavini, t.e.d., dos.Nailə Rəhimova, elmi katib t.ü.f.d., dos. Sevinc Nəsirova, həkim əməkdaşlar və həkim rezidentlər iştirak ediblər.

Tədbirdə Anar Qurbanov mexaniki ventilyasiya istifadə üçün göstərişlər, mexanik ventilyasiya ilə bağlı risklər və ağırlaşmalardan danışıb. Məruzəçi yeni doğulan körpələrdə, xüsusilə yarımçıq doğuşlarda respirator distress sindromuna (RDS) daha çox rast gəlindiyini, yəni onların ağ ciyərlərinin, mərkəzi sinir sisteminin yetişmədiyinə görə tənəffüslərində problemlərin yarandığını bildirib.

Sonda mövzu ətrafında müzakirələr aparılıb, dinləyiciləri maraqlandıran suallar cavablandırılıb.