K.Y.Fərəcova adına Elmi-Tədqiqat Pediatriya İnstitutunda həkim rezidentlərin bilik və bacarıqlarının artırılması məqsədilə seminar keçirilib

İnstitutdan Aztibb.az-a bildirilib ki, seminarda müəssisənin direktoru t.ü.f.d., dos Allahverdi Musayev, baş həkimi uzman doktor Azər Əhmədov, direktorun elmi işlər üzrə müavini t.e.d., dos.Nailə Rəhimova, həkim əməkdaşlar və həkim rezidentlər iştirak ediblər.

İnstitutun baş həkimi uzman pediatr Azər Əhmədovun rəhbərliyi ilə həkim rezident Elvina İsmayılova “Keskin bronxiolitə yanaşma” mövzusunda təqdimatla çıxış edib.

Məruzəçi xəstəliyin səbəbləri, simptomları, diaqnostikası və müalicəsindən danışıb. O, kəskin bronxitin bronxların selikli qişasının obstruktiv tipdə iltihabi xəstəliyi olduğunu bildirib. E.İsmayılova bronxioliti törədən səbəblərin mövsümi xəstəliklərdən olan RSV (respirator sinsitial virus) ilə bağlı olduğunu diqqətə çatdırıb.

Sonda mövzu ətrafında müzakirələr aparılıb, iştirakçıların sualları cavablandırılıb.