ETTBİ-dən Aztibb.az-a bildirilib ki, bu münasibətlə institutun rəhbərliyi yubilyarı təbrik edərək, ünvanına xoş sözlər çatdırıblar.

 

Çıxışlarda  Leyla Nuriyevanın məhsuldar fəaliyyətindən, yüksək insani keyfiyyətlərindən bəhs olunub. Bildirilib ki, o, üzərinə düşən bütün öhdəlikləri bacarıqla və layiqincə yerinə yetirmiş, bu illər ərzində kollektivin dərin hörmətini qazanmışdır.

 

Qeyd edək ki, Leyla Nuriyeva 1962-ci ildə Bakı şəhərində anadan olub. O, Azərbaycan Dövlət Tibb İnstitutunun məzunudur. 1990-cı ildə Elmi-Tədqiqat Tibbi Bərpa İnstitutunun Nevrologiya bölməsində “sinir xəstəlikləri” ixtisası üzrə aspiranturaya daxil olub. 1994-cü ildə “Sinir xəstəlikləri” üzrə namizədlik dissertasiyasını uğurla müdafiə edib. 1994-1996-cı illərdə Nevrologiya bölməsində kiçik elmi işçi, daha sonra böyük elmi işçi vəzifələrində çalışıb. Hazırda Nevrologiya bölməsinin müdiridir.

 

Alim, həmçinin institutun Elmi Şurasının üzvüdür. O, elmi-tədqiqat işlərində rəhbər və iştirakçıdır.