Sumqayıt Tibb Mərkəzinin (STM) direktoru Səkinə Sadıxova mərkəzin tabeliyində olan 1 nömrəli Şəhər Xəstəxanasının Kardiologiya şöbəsinin İntensiv Terapiya Blokunun günlük xəstə ziyarətində iştirak edib.

Aztibb.az-a STM-dən verilən məlumata görə, 1 nömrəli Şəhər Xəstəxanasının baş həkimi Mətləb Musayev, Keyfiyyətə Nəzarət Komitəsinin rəhbəri Dünya Hüseynova, Kardiologiya şöbəsinin müdiri Cabir Məcidov, kardioloq Səltənət Camalova və digər tibbi heyət Səkinə Sadıxovanı müşayət edib.

S.Sadıxova şöbənin avadanlıqlarına təkrar baxış keçirib, xəstələrin müayinə və müalicəsi ilə yerində maraqlanıb, xəstələrlə fərdi söhbət aparıb.

Söhbət əsnasında vətəndaşlar İcbari Tibbi Sığortanın və xəstələrə göstərilən xidmətlərin təşkilindən məmnunluğunu ifadə ediblər.