Bu dəfə Aztibb.az-ın "Həkimlərimizi tanıyaq" rubrikasında Mingəçevir Şəhər Mərkəzi Xəstəxanasının 2 saylı Ailə Sağlamlıq Mərkəzinin həkimi, terapevt Elşən Kazımovdan bəhs edəcəyik.

Elşən Fərman oğlu Kazımov 1965-ci ildə Bakı şəhərində anadan olub. 1982-1989-cu illərdə N.Nərimanov adına Azərbaycan Tibb İstitutunun Müalicə-profilaktika fakültəsində təhsil alıb. 1989-cu ildə Mingəcevir Şəhər Mərkəzi Xəstəxanasının 1 saylı Poliklinikasında internatura keçib.

O, 1990-cı ildə Mingəçevir şəhər 2 saylı Polikilinikada sahə həkimi vəzifəsində əmək fəaliyyətinə başlayıb. 1992-ci ildə Mingəcevir şəhər 1 nömrəli Poliklinikasında sahə həkimi işləyib. 1995-ci ildə Azərbaycan Silahlı Qüvvələrinin Füzuli bölgəsində 214 saylı Hərbi Hissənin Hospitalında həkim kimi fəaliyyət göstərib, şöbənin baş ordinatoru olub. 2000-ci ilin dekabrın ayının 20-də tibbi xidmət vəzifəsini bitirərək baş leytenant rütbəsi ilə ehtiyata buraxılıb.

Terapevt-həkim 2001-ci ildən Mingəçevir Şəhər Mərkəzi Xəstəxanasının 1 nömrəli Poliklinikasında çalışıb. 2017-2022-ci illərdə Təcili və Təxirəsalınmaz Tibbi Yardım Stansiyasında çağırışçı həkim olaraq şəhər sakinlərinə xidmət göstərib. O, hazırda 2 saylı Ailə Sağlamlıq Mərkəzində həkim-terapevt kimi fəaliyyətini davam etdirir.

Elşən Kazımov respulbikada keçirilən I Avropa Oyunlarında, İslam Həmrəyliyi Oyunlarında həkim kimi xidmətlərinə görə Prezident İlham Əliyevin və Birinci Vitse-prezident Mehriban xanım Əliyevanın imzası ilə təşəkkürnamə alıb.