Şuba salatında siyənək balığının digər inqrediyentlərlə birlikdə istifadə olunması təhlükəsiz deyil.
Aztibb.az medikforum.ru-ya istinadla xəbər verir ki, bu barədə həkim-terapevt Antonina Savolyuk bildirib.
Şubada siyənəyin istifadəsinin mənfi cəhətlərindən biri onun lazımsız yağ və əlavə kalori ilə zəngin bol mayonezlə hazırlanmasıdır. Diabeti, mədəaltı vəzi ilə bağlı problemləri olanlar mayonez istifadəsindən çəkinməlidir.
Həmçinin həkim A. Savolyuk qeyd edib ki, şubada siyənəyin digər komponentlərlə "təhlükəli qarışımı" əmələ gəlir. Sağlamlıqla bağlı bir sıra xroniki problemlər olduqda bu salatdan istifadə məsləhət görülmür.
"Siyənək yağ, zülal və çoxlu miqdarda duzdan ibarətdir, yumurta heyvan zülalı, mayonez çox miqdarda duz, yağ, əlavə karbohidratlarla zəngindir. Bunların birlikdə istifadəsi orqanizm üçün təhlükəli qarışım hesab olunur", - A.Savolyuk bildirib.
Belə məhsulların istifadəsi qanda şəkərin səviyyəsinin sürətli artımına səbəb olur, artıq çəkinin yaranması, həmçinin karbohidrat mübadiləsi üçün cavab verən sistemlərin pozulması ilə nəticələnə bilər.