Kalprotektin testi bağırsağın iltihabi xəstəliklərini qeyri-iltihabi xəstəliklərdən diferensiasiya etmək və iltihabi xəstəliklərin şiddətini təyin etmək üçün istifadə olunur.

 

Kalprotektin, neytrofil adlanan bir növ ağ qan hüceyrəsi tərəfindən sintez olunan bir proteindir. Mədə-bağırsaq traktında (Gİ) iltihab olduqda, neytrofillər həmin bölgəyə hərəkət edir və kalprotektin ifraz edir.

 

Kalprotektin testi hansı şikayətlər zamanı aparılır?

 

-Uzun müddət sulu və ya qanlı ishal

-Qarın spazmları və ya qarın ağrısı

-Hərarət

-Çəki itkisi

-Rektal qanama hallarında.

 

Bəzi xəstələrdə iltihabi bağırsaq xəstəliklərinin qəti diaqnozu üçün endoskopiyadan əvvəl bu testlə araşdırma aparmaq məqsədə uyğun ola bilər. İngiltərədə iltihabi bağırsaq xəstəliklərinin və qıcıqlanmış bağırsaq sindromunun ayırıcı diaqnozunda əvvəlcə kalprotektin testi, nəticə pozitiv olarsa kolonoskopiya tövsiyə olunur.