Sumqayıt Tibb Mərkəzinin (STM) 1 nömrəli Şəhər Xəstəxanasında Elmi-Tədqiqat Kardiologiya İnstitutu tərəfindən "Ürək-damar xəstəliklərinin müalicəsinə müasir yanaşma" mövzusunda elmi-praktik seminar keçirib.

STM-dən Aztibb.az-a verilən məlumata görə, seminarda ürək çatışmazlığı və hipertenziya kimi xəstəliklərinin müalicəsində yeni tövsiyyələrə nəzər salınıb, angioqrafiyada əks göstərişlər və şəkərli diabetlə mübarizə haqqında məruzələr dinlənilib. 

İcbari Tibbi Sığorta üzrə Dövlət Agentliyi və TƏBİB-in dəstəyi ilə keçirilən tədbirdə qarşılıqlı fikir mübadiləsi aparılıb, iştirakçıları maraqlandıran suallar cavablandırılıb.

Qeyd edək ki, seminarda STM-in direktor müavini İlkin Namazov, şöbə müdiri Aynur Həsənova və Keyfiyyətə Nəzarət Komitəsinin rəhbəri Dünya Hüseynova da iştirak ediblər.