Səhiyyə Nazirliyinin İctimai Səhiyyə və İslahatlar Mərkəzində (İSİM) “Azərbaycanda əhali arasında sağlamlıq savadlılığının öyrənilməsinə dair sorğu”nun yekun nəticələrinə həsr edilmiş tədbir keçirilib.
İSİM-dən Aztibb.az-a bildirilib ki, tədbirdə Mərkəzin direktoru Qəhrəman Haqverdiyev bildirib ki, sorğunun keçirilməsində əsas məqsəd əhalinin sağlamlıqla bağlı məlumatlılığının səviyyəsini artırmaq, o cümlədən xəstəliklərin qarşısının alınması və profilaktikası, tibbi anlayışlar, pasiyent hüquqları və s. məsələlər barədə bilik və bacarıqlarını müəyyən etmək idi.
Mərkəzin Səhiyyə texnologiyaları və teletəbabət şöbəsinin müdiri Samir Mehdiyev sorğunun nəticələri ilə bağlı geniş təqdimatla çıxış edib. O, bildirib ki, tədqiqatda min nəfər respondent iştrak edib və hər biri 27 suala cavab verib. Nəticələrə əsasən, iştrakçıların 18,9 faizi ümumi sağlamlıq məlumatlarının qavranılması və təhlilində çətinlik çəkmədiklərini qeyd edib. Sorğu nəticələri göstərir ki, təhsil səviyyəsi yüksək olan iştrakçılar arasında sağlamlıqla bağlı məlumatlılıq daha yüksək səviyyədədir.
Təqdimatdan sonra iştrakçıları maraqlandıran suallar cavablandırılıb.