Avstraliyada zəhərli ispanağın insanlarda şiddətli ürəkbulanma və hallüsinasiyalara səbəb olması ilə bağlı ictimai sağlamlıq xəbərdarlığı edilib.

Aztibb.az medimagazin.com.tr-yə istinadla xəbər verir ki, indiyədək 9 nəfər supermarketdən aldıqları ispanağa görə həkimə müraciət etməli olub. Səlahiyyətlilər zəhərli ispanaqın delirium (qısa müddətli şüur və qavrayış itkisi), sürətlənmiş ürək döyüntüsü və bulanıq görmə kimi təsirlərə malik olduğunu bildirib.

Qeyd edək ki, sözügedən ispanağın "Riviera Farms" məhsulu olduğu açıqlanıb. İspanaqın alaq otu ilə qarışdırılması nəticəsində zəhərli hala gəldiyi düşünülür.