Sumqayıt Şəhər İcra Hakimiyyəti Başçısı yanında Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyanın təşəbbüsü ilə Sumqayıt Şəhər Polis İdarəsi, Sumqayıt Tibb Mərkəzi, Sumqayıt şəhər Gənclər və İdman Baş İdarəsinin birgə təşkilatçılığı ilə “Narkotiklərə yox de“ adlı maarifləndirici xarakterli silsilə görüşlər davam edir.

Növbəti tədbir Sumqayıt şəhər 5 nömrəli tam orta məktəbdə keçirilib.

Sumqayıt Şəhər Polis İdarəsinin Yetkinlik Yaşına Çatmayanların Profilaktik İşinin Təşkili bölməsini rəisi, polis mayoru Azər Bayramov, 2 nömrəli Ailə Sağlamlıq Mərkəzinin (ASM) həkim-pediatrı Müsənbər Səfərova və 3 nömrəli ASM-in ailə həkimi Nazilə Məmmədova, Sumqayıt şəhər Gənclər və İdman Baş İdarəsinin Gənclərlə iş sektorunun baş məsləhətçisi Həsən Həsənli geniş təqdimatla çıxış ediblər.

Çıxışlarda narkomaniyaya qarşı mübarizənin əsas məqsədinin sağlam mühit və sağlam gələcək olduğu vurğulanıb.

Tədbirdə Sumqayıt şəhər 5 nömrəli tam orta məktəbin Tərbiyə işləri üzrə direktor müavini Arzu Əliyeva, psixoloqlar Gülcahan Allahverdiyeva və Xəyalə Hacılı da iştirak ediblər.