Türkiyədə tənəffüs çətinliyi şikayəti olan ev pişiyi sahibi tərəfindən Afyon Kocatepe Universiteti (AKÜ) Baytarlıq fakültəsi Heyvan Xəstəxanası Klinikasına gətirilib. Burada baytar həkimlər Ender Erkoç və Cankan Alpay tərəfindən pişiyin vəziyyəti araşdırılıb. Radioloji görüntüləri araşdırdıqdan sonra həkimlər exokardioqrafiya üsulu ilə pişikdə papiller fibroelastoma (ürək qapağı şişi) aşkar ediblər.

Aztibb.az medimagazin.com.tr-yə istinadla xəbər verir ki, AKÜ-nün Baytarlıq fakültəsinin dekanı, prof. Turan Civelek şişin nadir növ olduğunu və ilk dəfə pişiyə bu diaqnozun qoyulduğunu bildirib. Hazırda vəziyyəti stabil olan pişiyə dərman müalicəsi başlayıb.

Prof. Turan Civelek qeyd edib ki, müasir diaqnostika aparatları ilə əvvəllər diaqnoz qoyulmayan xəstəliklər aşkarlana bilər.

Hər yaşda pişik və itlərdə ürək xəstəliklərinə tez-tez rast gəlindiyini deyən T.Civelek ürək (ürək) şişlərinin pişiklərdə daha nadir olduğunu vurğulayıb.