Böyük Britaniyanın Milli Səhiyyə Sistemindəki əsas tibb bacıları, ölkə daxilində bir çox sahədə artan yaşayış minimumunun dəyəri və inflyasiya qarşısında yüksək maaş artımı tələbi ilə tətil dalğasına qoşulub.

Aztibb.az www.bbc.com-a istinadla xəbər verir ki, İngiltərə, Uels və Şimali İrlandiyada on minlərlə tibb bacısı bu tətil aksiyasına qoşulub.

Tibb bacılarını təmsil edən RCN (Royal College of Nursing) birliyinin 106 illik tarixində ilk dəfə tətil səsverməsində, tibb bacılarının əksəriyyəti tətilə səs verdikdən sonra iş dayandırılıb. 

Qeyd edək ki, dekabrın 21 və 28-də İngiltərə və Uelsdə maaş artımı və iş şəraiti ilə bağlı fikir ayrılığına görə 10 mindən çox təcili yardım işçisi də tətil edəcək.