Türkiyənin Diyarbakır şəhərində qusma və ürəkbulanma şikayətləri ilə xəstəxanaya aparılan 15 yaşlı oğlanın mədəsində rentgen müayinəsi zamanı 1 metr uzunluğunda şarj kabeli aşkarlanıb.

Aztibb.az medimagazin.com.tr-yə istinadla xəbər verir ki, Fırat Universiteti Xəstəxanasıbıb Uşaq qastroenterologiyası, hepatologiya və qidalanma kafedrasının müdiri, prof. Yaşar Doğan və komandasının həyata keçirdiyi endoskopik əməliyyatla uşağın mədəsindəki kabel müvəffəqiyyətlə çıxarılıb.

Əməliyyatı icra edən Yaşar Doğan kabelin bir ucunun nazik bağırsağa keçdiyi üçün çətinlik çəkdiklərini bildirib. Qeyd edib ki, uşaq müalicədən sonra sağlam şəkildə evə yola salınıb.