Hər il 340 mindən çox qadının öldüyü uşaqlıq boynu xərçəngində tətbiq edilən birdəfəlik HPV (Human Papilloma Virus) peyvəndi infeksiya və əlaqəli xəstəliklərin qarşısını alır.

Aztibb.az bu barədə medimagazin.com.tr-a istinadla xəbər verir.

Uşaqlıq boynu xərçəngi və HPV peyvəndi ilə bağlı açıqlama verən Hacettepe Universiteti Tibb fakültəsinin Doğuş və Ginekologiya bölümünün professoru Murat Gültəkin qeyd edib ki, bu xəstəlik dünyada 15-44 yaş arası qadınlarda döş xərçəngindən sonra ikinci ən çox rast gəlinən xərçəng növüdür. O, dünyada uşaqlıq boynu xərçəngi ilə mübarizədə profilaktik tədbir olaraq skrininq və peyvəndin aparıldığını xatırladaraq, mövcud vaksinlərin qorunma dərəcələrinin yüksək olduğunu və effektivliyinin elmi araşdırmalarla sübut olunduğunu bildirib: "HPV peyvəndi 5 fərqli xərçəngə qarşı da qoruyucu ola bilər. Bu günə qədər aparılan araşdırmalar HPV vaksinləri sayəsində orqanizmdə əmələ gələn anticisimlərin xəstəlikdən sonra əmələ gələn anticisimlərdən fərqli olduğunu, daha uzun müddətli, təsirli və qoruyucu olduğunu göstərir".

Qeyd edək ki, Ümumdünya Səhiyyə Təşkilatının məlumatına görə, hər il 600 min qadına uşaqlıq boynu xərçəngi diaqnozu qoyulur.