K.Y.Fərəcova adına Elmi-Tədqiqat Pediatriya İnstitutunda həkim rezidentlərin bilik və bacarıqlarının artırılması məqsədilə elmi seminar keçirilib.
İnstitutdan Aztibb.az-a bildirilib ki, seminarda müəssisənin direktoru t.ü.f.d. dos Allahverdi Musayev, baş həkim uzman doktor Azər Əhmədov, direktorun elmi işlər üzrə müavini t.e.d. dos Nailə Rəhimova, həkim əməkdaşlar və həkim rezidentlər iştirak ediblər.
Tədbirdə uzman pediatr Aynur İsmayılova və həkim rezident Gülgəz Əsgərova “Nefrotik sindrom” mövzusunda təqdimatla çıxış ediblər.
Aynur İsmayılova bildirib ki, nefrotik sindrom böyrək zədələnməsinin inkişafı ilə əlaqədar bədəndə meydana gələn müxtəlif əlamət və simptomlara verilən addır. Böyrək hüceyrələrinin öz funksiyalarını yerinə yetirməməsi səbəbindən sidiklə ağır protein itkisi və toxumalarda suyun tutulması kimi tipik simptomlar meydana gəlir-deyə bildirib.
Gülgəz Əsgərova isə xəstəliyin etiologiyasından, səbəblərindən, əlamətlər və simptomlarından, diaqnostika, müalicəsindən danışıb.
Sonda mövzu ətrafında müzakirələr aparılıb, iştirakçıların sualları cavablandırılıb.
