"Həkimlərimizi tanıyaq!" rubrikamızda Rauf Haqverdiyev haqqında məlumatları diqqətə çatdırırıq.
Rauf Haqverdiyev 18 noyabr 1984-cü ildə Bakı şəhərində anadan olub. 2001-2007-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2007-2009-cu illərdə Rusiya Federasiyasının Yaroslavl şəhərində Yaroslavl Dövlət Tibb Akademiyasında Otorinolarinqologiya ixtisası üzrə ordinatura keçib.
O, 2009- 2010-cu ildə Rusiya Federasiyası Yaroslavl Dövlət Tibb Akademiyasında aspirant olub.2013-cü ildə Rusiya Federasiyasının Moskva şəhərində A.İ.Yevdokimov adına Moskva Dövlət Tibb-Stomatoloji Universitetində dissertasiya işini müdafiə edərək fəlsəfə elmləri doktoru elmi dərəcəsini alıb.
2010-2011-ci ildə Yaroslavl Dövlət Tibb Akademiyasında Onkologiya ixtisası üzrə internatura keçib.
2013-2014-cü illərdə Türkiyə Respublikasının Ankara şəhərində Qazi Universiteti Tibb fakültəsinin Qazi xəstəxanasında Qulaq Burun Boğaz və Baş Boyun Cərrahiyəsi kafedrasında 1 illik stajer kursu keçib.
Rauf Haqverdiyev 20 yanvar 2015-ci ildən Binəqədi Tibb Mərkəzində həkim-otorinolarinqoloq vəzifəsində çalışır.
