Türkiyənin Van Yüzüncü Yıl Universitetinin (Van YYU) Dursun Odabaş Tibb Mərkəzinin Yenidoğulmuşların Reanimasiya şöbəsində çalışan səhiyyə işçiləri 400 qramlıq körpənin həyatda qalması üçün səfərbər olublar.
Aztibb.az medimagazin.com.tr-yə istinadla bildirir ki, Çaldıran rayonunda yaşayan 40 yaşlı Amine İlhan doğuş sancılarının erkən başlaması ilə əlaqədar Van YYU Dursun Odabaşı Tibb Mərkəzinə müraciət edib. Dekabrın 9-da 24 həftəlik dünyaya gələn qız uşağı Yenidoğulmuşların Reanimasiya şöbəsində müalicə olunur. Orqanları inkişaf etməyən, tənəffüs çatışmazlığı olan 400 qram ağırlığında körpə küvəzdə xüsusi həkim nəzarətindədir.
Van YYÜ Uşaq Sağlamlığı və Xəstəlikləri şöbəsinin müdiri professor Oğuz Tuncer bölgədə doğum nisbətinin yüksək olduğunu bildirib. O, 400-500 qram çəki ilə doğulan körpələrin öz bölməsində təxminən 4 aylıq müalicədən sonra evə buraxıldığını deyib: "İldə təxminən 1200 körpə xəstəxanaya yerləşdirilir. Bunların 25 faizi vaxtından əvvəl doğulmuş körpələrdir. Əksəriyyəti 1000 qramdan aşağıdır. Hazırda şöbəmizdə 1000 qramdan aşağı olan 9-10 körpə var. Onların qaldıqları müddətdə sepsis, beyin qanaması, göz xəstəlikləri və xroniki ağciyər xəstəlikləri kimi xəstəliklər baş verə bilər. Bu hallarda bölməmizdə körpələrin müalicə müddəti uzanır. Çəkisi 1 kiloqramdan az olan vaxtından əvvəl doğulmuş körpələr üçün sağ qalma nisbətimiz artıb. Bizim komandamız bu baxımdan çox təcrübəlidir”.