Bu gün Oğuz Rayon Mərkəzi Xəstəxanasında Azərbaycan xalqının ümummilli lideri, dünya şöhrətli siyasi xadim Heydər Əliyevin anım gününə həsr olunmuş tədbir keçirilib.

Aztibb.az-a Oğuz RMX-dan verilən xəbərə görə, tədbirdə xəstəxananın direktoru Anar Əzizov, baş həkim Şəlalə Tahirova, inzibati işlər üzrə müavin İradə Məmmədova, Oğuz RMX-nın SİHİ-nın sədri Qorxmaz Hümmətli, eləcə də tibb və qeyri tibb işçiləri iştirak ediblər.

Öncə Ümummilli Liderin xatirəsi bir dəqiqəlik sükutla yad edilib.

Tədbiri giriş sözü ilə müəssisənin direktoru Anar Əzizov açaraq ulu öndər Heydər Əliyevin istər sovet imperiyası dövründə, istərsə də müstəqillik illərində misilsiz xidmətlərindən, bütün həyatını xalqına, vətəninə, millətinə həsr etməsindən danışıb.

Daha sonra İradə Məmmədova və Qorxmaz Hümmətli  Heydər Əliyevin uzaqgörən siyasətindən, Azərbaycanı yeni əsrə, yeni minilliyə müstəqil, qüdrətli dövlət kimi tanıtmasından bəhs ediblər.

Sonda Şəlalə Tahirova Heydər Əliyevin insanların sağlamlığı, səhiyyə və tibb elminin inkişafındakı əvəzsiz xidmətlərindən söz açıb. Bildirib ki, ümummilli lider Heydər Əliyev Azərbaycan xalqının yaddaşında qurucu və xilaskar dövlət xadimi kimi əbədi yaşayacaqdır.