Sumqayıt Tibb Mərkəzi (STM) orta ümumtəhsil məktəblərində maarifləndirici tədbirləri davam etdirir.
STM-dən Aztibb.az-a bildirilib ki, növbəti belə tədbir Sumqayıt şəhər 43 nömrəli tam orta məktəbdə keçirilib.
Valideynlərin də iştirak etdiyi tədbirdə STM-in 2 nömrəli Ailə Sağlamlıq Mərkəzinin (ASM) həkim-pediatrı Sevinc Məmmədova “Erkən yaşlı uşaqlarda peyvəndlərin zamanında edilməsi onları infeksion xəstəliklərinin qorxulu fəsadlarından qoruyur”, həkim-terapevt Gülşən Əsgərova isə “Məktəblilərdə qamət problemlərinin praflaktikası” mövzularında təqdimatla çıxış ediblər.
Qarşılıqlı fikir mübadiləsi şəraitində keçən tədbirdə valideynləri maraqlandıran suallar cavablandırılıb.
Eyni zamanda, STM-in İctimaiyyətlə əlaqələr bölməsinin əməkdaşları iştirakçıları icbari tibbi sığorta ilə bağlı maarifləndiriblər.