Bütün mənalı ömrünü V.Y.Axundov adına Elmi-Tədqiqat Tibbi Profilaktika İnstitutuna həsr edən tanınmış həkim Şəfiqə Mahmudovanın 100 yaşı tamam olub.
Aztibb.az xəbər verir ki, 100 illik yubileyi münasibətilə institutun fəxri professoru seçilib.
Bu haqda qərar müəssisənin Elmi Şurasının iclasında qəbul olunub.
Qeyd edək ki, Şəfiqə Mahmudova Azərbaycan elminin inkişafına şöhrət qazandıran alimdir. İnstitutda Helmintozların immunologoyası laboratoriyasını yaradan həkim müəssisənin tarixində ilk dəfə fəxri professor adına layiq görülüb. Şəfiqə Mahmudova 83 elmi məqalələrin, o cümlədən "İnsan helmintozları" monoqrafiyasının müəllifi və “Malyariya Azərbaycanda” monoqrafiyasının həmmüəllifidir. O, "Səhiyyə əlaçısı" və akademik Skrabinin 100 illiyinə həsr olunmuş medal ilə təltif olunub.