Qəbələ Rayon Mərkəzi Xəstəxanasında ümummilli lider Heydər Əliyevin anım günü ilə əlaqədar tədbir keçirilib.

Xəstəxanadan Aztibb.az-a verilən məlumata görə, tədbirdə Qəbələ RMX-nın direktoru Ceyhun Əhmədov, terapevtik xidmətlər üzrə müavin Fikrət Cəfərov, İlkin səhiyyə xidmətinin rəhbəri Kamal Məmmədov və müəssisənin digər tibbi və qeyri-tibbi əməkdaşları iştirak ediblər.

Əvvəlcə ümummilli lider Heydər Əliyevin əziz xatirəsi bir dəqiqəlik sükutla yad edilib.

Tədbiri giriş sözü ilə müəssisənin direktoru Ceyhun Əhmədov açaraq görkəmli dövlət xadimi, ulu öndər Heydər Əliyevin çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyətlərdən olduğunu vurğulayıb. O, Ümummilli Liderimizin torpaqlarımızın azad olunması istiqamətində əsasını qoyduğu işin onun layiqli davamçısı möhtərəm Prezident, Ali Baş Komandan cənab İlham Əliyev tərəfindən uğurla başa çatdırılmasının Azərbaycanın ən böyük qələbəsi olduğunu bildirib.

Daha sonra Terapiya şöbəsinin müdiri Şahanə Pənahova və Həmkarlar Şurası İttifaqının sədri Samir Şərifov dünyaşöhrətli siyasətçi Heydər Əliyevin Azərbaycan xalqının həyatında misilsiz xidmətlərindən bəhs ediblər.