Ə.Əliyev adına Azərbaycan Dövlət Həkimləri Təkmilləşdirmə İnstitutunun Pediatriya kafedrasında 8 dekabr 2022-cil tarixdə təkmilləşdirmə kursunda iştirak edən həkim-müdavimlər üçün Ümumdünya QİÇS-lə Mübarizə Gününə həsr olunmuş seminar keçirilib.
Aztibb.az xəbər verir ki, kafedranın dosenti Mətanət Qaraxanova çıxş edərək QİÇS-in dünya üzrə yayılma və müalicəyə cəlb olma sahəsində vəziyyət, çətinliklər və maneələr barədə məlumat verib. O, Azərbaycan Respublikası Səhiyyə Nazirliyi Respublika QİÇS-lə Mübarizə Mərkəzi tərəfindən bu ağır xəstəliyə yoluxma yolları, onun simptomları və insanların bu xəstəlikdən qorunması yolları barədə iştirakçılar məlumatlandırılıb.
Sonda iştirakçılara Azərbaycan Respublikası Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən hazırlanan “İİV və Hepatit B, C. Bunları bilmək vacibdir!” adlı maarifləndirici materiallar paylanılıb.
