V.Y.Axundov adına Elmi-Tədqiqat Tibbi Profilaktika İnstitutunun Malariya və leyşmaniozlar şöbəsinin keçmiş müdiri, b.ü.f.d., dosent Mübariz Əliyev vəfat edib.
Aztibb.az xəbər verir ki, o, uzun sürən xəstəlikdən sonra dünyasını dəyişib.
Mübariz Əliyev 10 aprel 1939-cu ildə anadan olmuşdu. 1961-ci ildə M.Əliyev S.M.Kirov adına Bakı Dövlət Univeritetinin Biologiya fakültəsinə qəbul olunmuşdu. 20 iyul 1970-ci ildə Elmi-Tədqiqat Tibbi Parazitologiya və Tropik Təbabət İnstitutunda kiçik elmi işçi vəzifəsində işə başlamışdı. 1980-ci ildə biologiya üzrə fəlsəfə doktoru alimlik dərəcəsi almaq üçün disertasiya işini uğurla müdafiə etmişdi.
SSRİ Ali Attestasiya Komissiyası tərəfindən M.Əliyevin apardığı elmi-tədqiqat işləri yüksək qiymətləndirilərək,ona baş elmi işçi (dosent) elmi adı verilmişdi. Alim institutda baş elmi işçi (1981-1992), laboratoriya müdiri (1992-2000) vəzifələrində çalışmışdı.
Dosent M.Əliyev 300 səhifəlik dərsliyin, 1 monoqrafiyanın həmmüəllifi, 109 elmi, 15 emi-kütləvi məqalənin, 5 metodik göstərişin, 1 kitabçanın, 1 patentinin və 1 səmərələşdirici təklifin müəllifi idi.
O, SSRİ Səhiyyə Nazirliyinin “Səhiyyə əlaçısı” döş nişanı (1981), 2 dəfə ”Sosializim yarışının qalibi” nişanları (1973, 1975). həmçinin Səhiyyə Nazirliyi tərəfindən təşəkkürnamə və Fəxri fərmanlarla təltif edilmişdi.
M.Əliyev 01.02.2022-ci ildə öz xahişi ilə V.Y.Axundov adına Elmi-Tədqiqat Tibbi Profilaktika İnstitutundan ayrılmışdı.
Allah rəhmət eləsin!