Mərkəzi Gömrük Hospitalının uşaq nevropatoloqu Mehriban Məmmədova Türkiyə Yuxu Tibbi Birliyinin təşkilatçılığı ilə 7-11 dekabr 2022-ci il tarixlərində keçirilən XXII Milli Yuxu Tibbi konqresində iştirak edir.

 

Hospitaldan Aztibb.az-a bildirilib ki, konqresdə dünyanın müxtəlif ölkələrinin bu sahə üzrə nüfuzlu nevroloqları tərəfindən yuxu pozğunluqları, yuxu inkontinansı, yuxu təbabətində istifadə edilən testlər mövzularında təqdimatlar edilir.

 

Həmçinin məruzəçilərin “Yuxuda öyrənmək mümkündürmü?”, “Somnoloji yuxu tibbi nədir?”, “Polisomnoqrafiya və poliqrafiya nədir?” və digər mövzularda çıxışları tədbir iştirakçıları tərəfindən böyük maraqla qarşılanıb, mövzular ətrafında geniş müzakirələr aparılıb.

 

Konqresin sonunda iştirakçılara sertifikatlar təqdim ediləcək.