Səhiyyəmizin inkişafı, ilk növbədə, peşəkar mütəxəssislərdən - həkimlərdən və digər tibb işçilərindən aslıdır.

Ən dəyərli nemət olan sağlamlığın keşiyində duran həkimlərimizdən biri də Zoya Baxşıyevadır.

"Həkimlərimizi tanıyaq!" rubrikasında söz açacağımız Zoya Baxşıyeva mənalı həyatını bütünlüklə şərəfli işinə, müqəddəs peşəsinə, insanların problemlərinə və sağlamlığına həsr edib.

O, 9 iyul 1954-cü il Göyçay rayon İncə kəndində anadan olub. 1972-1978-ci illərdə N.Nərimanov adına Azərbaycan Tibb Universitetinin Müalicə-profilaktikası fakültəsində təhsil alıb. 1978-1979-cu illərdə terapiya ixtisası üzrə internatura keçib.

Zoya Baxşıyeva Şirvan Şəhər Mərkəzi Xəstəxanasında terapevt, pulmonoloq vəzifələrində çalışıb. Hazırda fəaliyyətini Şirvan Şəhər Mərkəzi Xəstəxanasının Terapiya şöbəsində həkim-terapevt kimi davam etdirir.

10 sentyabr 2018-ci ildə və 14 oktyabr 2013-cü ildə sertifikasiyadan keçib.

2014-cü ildə Fəxri fərmanla təltif olunub.