Elmi-Tədqiqat Mamalıq və Ginekologiya İnstitutunda (ETMGİ) hamiləliyin 32-ci həftəsində dünyaya gələn körpə ailəsi ilə birlikdə sağlam şəkildə evə yola salınıb.

İnstitutdan Aztibb.az-a bildirilib ki, ikibuynuzlu uşaqlıq, istmiko-servikal çatışmazlıq, fetoplasentar çatışmazlıq diaqnozları ilə riskli hamiləlik keçirən pasiyent Elmi-Tədqiqat Mamalıq və Ginekologiya İnstitutunun mama-ginekoloqu Tuğraxanım Əlinağıyeva tərəfindən daim nəzarətdə olub. Vaxtından əvvəl - hamiləliyin 32-ci həftəsində vəziyyəti ilə əlaqədar olaraq hamiləyə mama-ginekoloq Cahan Məmmədyarova tərəfindən qeysəriyyə əməliyyatı icra olunub. Çəkisi 1 300 qram, cinsi kişi olan körpə vəziyyəti ilə əlaqədar olaraq dərhal Yenidoğulmuşların Reanimasiya və İntensiv Terapiyası şöbəsinə köçürülüb.

Həkim-neonatoloq Şəbnəm Yusifzadə və tibbi personal tərəfindən aparılan düzgün müayinə və müalicə nəticəsində körpə ailəsi ilə birlikdə sağlam şəkildə evə yola salınıb.