Gənc uzman həkim Gülnar Səmədova Gəncə Şəhər Birləşmiş Xəstəxananın tabeliyindəki Abbas Səhhət adına Xəstəxanada fəaliyyətə başlayıb.

Xəstəxanadan Aztibb.az-a bildirilib ki, o, ginekoloq vəzifəsinə təyinat alıb.

Gülnar Səmədova 16 sentyabr 1990-cı ildə Laçın şəhərində anadan olub. 2008-ci ildə Azərbaycan Tibb Universitetinə qəbul olub. 2011-ci ildə təhsilini Türkiyədə Samsun Ondokuz Mayıs Universitetində davam etdirib. 2014-cü ildə bu universiteti bitirdikdən sonra Türkiyənin Manisa şəhərində Cəlal Bayar Universitetində Qadın xəstəlikləri və doğum fakültəsində təhsil alıb. Gülnar Səmədova 2018-ci ildə uzmanlıq dərəcəsini qazanıb.

Gənc həkim 2019-cu ildə Kiprdə süni mayalanma üzrə ixtisaslaşma kursu keçib. Bir müddət paytaxt Bakıda çalışan Gülnar xanım daha sonra - 2021-ci ildə İstanbulda Medipol Universitesinde qadın doğum uzmanı olaraq fəaliyyət göstərib.