Dekabrın 6-da saat 16:40-da Dövlət Sərhəd Xidmətinin (DSX) Akademiyasının əsas korpusunda yanğın baş verib, DSX-nin rəisi general-polkovnik Elçin Quliyev hadisə yerinə gəlib.
TƏBİB-dən Aztibb.az-a bildirilib ki, DSX-nin Akademiyasının inzibati binasında qeydə alınan yanğın hadisəsilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının 10 həkim briqadası əraziyə cəlb edilib.
Hadisə nəticəsində 14 nəfər tüstüdən zəhərlənmə səbəbilə hazırda TƏBİB-in tebeliyindəki tibb müəssisəsinə hospitalizasiya olunur.
Qeyd edək ki, inzibati binanın dam örtüyündə baş verən yanğın genişlənməsinə imkan verilmədən qısa müddətdə tam söndürülüb. Yanğına ilkin səbəb kimi elektrik xəttində qısaqapanmanın olması ehtimal edilir.
