İlqar Tahiroğlu 2010-cu ildə Türkiyə Respublikasının Samsun şəhərində Ondokuz Mayıs Universitetinin Müalicə işi fakültəsini bitirib, 2010-2011-ci illərdə həmin universitetdə internatura keçib. O, 2015-2019-cu illərdə İsrailin Qüds şəhərində Hadasah Tibb Mərkəzi Universitetində kardiologiya üzrə rezidentura keçib, 2019-2021-ci illərdə isə universitetin İntervensional kardiologiya və struktural ürək xəstəlikləri üzrə təhsil proqramını mənimsəyib.

 

İlqar həkim 2021-2022-ci illərdə Azərbaycanın özəl tibb müəssisələrində həkim-kardioloq, kardiologiya bölməsinin rəhbəri çalışıb. 2022-ci il tarixindən etibarən Mərkəzi Gömrük Hospitalında Kardiologiya şöbəsinin müdiri kimi fəaliyyət göstərir. O, həkimlik fəaliyyəti ilə yanaşı, İ.M.Seçenov adına Birinci Moskva Dövlət Tibb Universitetinin Bakı filialında pedaqoji fəaliyyətlə də məşğuldur.

 

İlqar həkim 2022-ci ildə Türkiyənin “Beynəlxalq Cari Tibbi və Bioloji Elmlər” jurnalına redaktor seçilib. Onun 2022-ci ildə “Ürək-damar təbabətində sərhədlər” beynəlxalq kardiologiya jurnalında “Səyirici aritmiyalı xəstələrdə sol qulaqcığın airukulasının cihazla qapatılması” adlı məqaləsi dərc olunub. 27-29 noyabr 2022-ci il tarixlərində Böyük Britaniya və Şimali İrlandiya Birləşmiş Krallığının paytaxtı London şəhərində keçirilən “PCRValve2022" samittində iştirak edib.

 

Uzman həkim Azərbaycan Kardiologiya Cəmiyyətinin, Avropa Kardiologiya Cəmiyyətinin və Amerika Kardiologiya Cəmiyyətinin üzvüdür.

 

Həkimin qəbuluna yazılmaq üçün əlaqə nömrəsi: (012)404-08-08.