Aztibb.az-ın "Həkimlərimizi tanıyaq!" rubrikasının budəfəki qonağı Zaqatala Rayon Mərkəzi Xəstəxanasının həkim-anestezioloqu Nadir Hünərvaridir.

Nadir Malik oğlu Hünərvari 26 noyabr 1954-cü ildə Zaqatala şəhərində anadan olub. 1972-1979-cu illərdə N. Nərimanov adına Azərbaycan Dövlət Tibb İnstitutunda Müalicə işi ixtisası üzrə ali təhsil alıb. 1979-1980-ci illərdə M.Topçubaşov adına Elmi-Tədqiqat İnstitutunda internatura keçib.

O, 1980-1981-ci illərdə Zaqatala rayon Əlibayramlı kənd sahə ambulatoriyasında müdir vəzifəsini icra edib, 1981-ci ildə Zaqatala Rayon Mərkəzi Xəstəxanasının Reanimasiya şöbəsində həkim-anestezioloq kimi işə başlayıb və bugünədək rayon mərkəzi xəstəxanasında fəaliyyətini davam etdirir.

Bununla yanaşı, Nadir Hünərvari efferet terapiya üsulları, ozon terapiya, kvant şüa terapiyası (qanın ultra bənövşəyi şüalarla şüalanması) ilə də məşğul olur.

Həkim 2015-ci ildə Türkiyənin İstanbul şəhərində 2 ay ozon terapiya təlimi alıb. O, 2014, 2015 və 2020-ci illərdə "İlin həkimi" adına layiq görülüb.