Sumqayıt Şəhər İcra Hakimiyyəti Başçısı yanında Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyanın təşəbbüsü ilə  Sumqayıt Şəhər Polis İdarəsi, Sumqayıt Tibb Mərkəzi, Sumqayıt şəhər Gənclər və İdman Baş İdarəsinin birgə təşkilatçılıgi ilə Sumqayıt şəhər N.Tusi adına 12 nömrəli tam orta məktəbdə “Narkotiklərə yox de“ adlı maarifləndirici xarakterli görüş keçirilib.

 

Aztibb.az Sumqayıt Tibb Mərkəzinə istinadla xəbər verir ki, Şəhər Polis İdarəsinin Yetkinlik Yaşına Çatmayanların Profilaktik İşinin Təşkili Bölməsinin rəisi polis mayoru Azər Bağırov, məktəbin direktoru Reyhan Baxşıyeva, Narkoloji Dispanserin həkimi Vüsal Cabbarov, Sumqayıt şəhər Gənclər və İdman Baş İdarəsinin sektor müdiri Ceyhun Hüseynov , 2 nömrəli Ailə Sağlamlıq Mərkəzinin həkim-pediatrı Müsənbər Səfərova və həkim-terapevti Ülkər Bağırova geniş təqdimatla çıxış ediblər.

 

Çıxışlarda narkomaniyaya qarşı mübarizənin əsas məqsədi sağlam mühit və sağlam gələcək olduğu vurğulanıb.

 

Tədbirdə narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə hazırlanmış sosial videoçarx nümayiş etdirilib.

 

Sonda iştirakçılarla fikir mübadiləsi aparılıb, gəncləri maraqlandıran suallar cavablandırılıb.