Həkim-diyetoloq Yelena Solomatina qırmızı soğan qabığının faydalarından danışıb.

Aztibb.az medikforum.ru saytına istinadla xəbər verir ki, həkimin sözlərinə görə, qırmızı soğan qabığından hazırlanmış cövhərin tərkibində yüksək miqdarda kversetin mövcuddur. Bu maddə damar divarlarını möhkəmləndirmək, iltihabı azaltmaq kimi xüsusiyyətləri ilə fərqlənir.

"Kversetin P vitaminidir. O kapilyarları bərkidir, ürək-damar sisteminin işini yaxşılaşdırır, bizim damarlarımızı daha uzun zaman gənc saxlayır", - deyə dieytoloq bildirib.

Ekspert qeyd edib ki, hipertoniya, insult və infarkt, bir qayda olaraq, aterosklerozun nəticəsi kimi inkişaf edir. Qırmızı soğan qabığı iltihaba qarşı effektiv təsir göstərir, damar toxumalarının bütövlüyünü saxlayır.