Sumqayıt Tibb Mərkəzində (STM) Tibbi sığorta və innovasiya şöbəsinin iclası keçirilib.

 

STM-in tabeliyində olan tibb müəssisələrinin sığorta mütəxəssislərinin qatıldığı iclasda mövcud vəziyyət təhlil edilib, qarşıda duran vəzifələrdən söhbət açılıb.

 

STM-in Tibbi sığorta və innovasiya şöbəsinin müdir müavini Vəfa Mirzəbəyli sığorta şöbəsinin işinin önəmini, eləcə də düzgün təşkilinin vacibliyini iclas iştirakçılarının diqqətinə çatdırıb. İşin effektiv, operativ və keyfiyyətli aparılmasında mütəxəssislərin məsuliyyətli yanaşmasının vacibliyini vurğulayıb.

 

STM-in Tibbi sığorta və innovasiya şöbəsinin bölmə müdiri Pərviz Əvəzli isə ekspertiza zamanı qarşıya çıxan problemlərdən danışıb. Ekspertlərin nəzərə aldıqları qeydlər müzakirə olunub.

 

Müəssisələrdə rast gəlinən problemlərə toxunulub və həll yolları ilə bağlı geniş fikir mübadiləsi aparılıb.

 

Bununla yanaşı, tibbi sığorta sahəsində yeniliklər mütəxəssislərin nəzərinə çatdırılıb, onları maraqlandıran suallar cavablandırılıb.