Alimlərin araşdırmasına görə, tərəvəz, kəpəkli un məmulatları və lobya ilə zəngin vegeterian pəhrizi kişilərdə qalın bağırsaq xərçəngi riskini azalda bilər.
Aztibb.az medimagazin.com.tr-yə istinadla xəbər verir ki, Cənubi Koreyalı tədqiqatçılar iyirmi il ərzində təxminən 80.000 kişinin məlumatlarını təhlil edərək, daha çox bitki yeyənlərin xərçəngə tutulma ehtimalının az yeyənlərə nisbətən 22 faiz az olduğunu aşkar ediblər.
Bağırsaq xərçəngi hər 23 kişidən birində rast gəlinir və bu, dünyada üçüncü ən çox yayılan xərçəng növüdür. Hesablamalara görə, hər il təxminən 100.000 amerikalı xəstəliyə bu diaqnoz qoyulur.
"BMC Medicine"də dərc edilən araşdırma Los-Anceles və Havaydan olan 79.000 kişi və 93.000 qadın iştirakçı üzərində aparılıb.
Cənubi Koreyadanın Kyung Hee Universitetinin tədqiqatçısı Jihye Kim tədqiqat barədə deyib: "Biz hesab edirik ki, meyvə, tərəvəz və bütöv dənli bitkilər kimi qidalarda olan antioksidanlar xərçəngə səbəb ola biləcək xroniki iltihabı boğaraq bağırsaq xərçəngi riskini azaltmağa kömək edə bilər".
Tədqiqatçılar kişilər arasında əlaqənin irq və etnik mənsubiyyətə görə dəyişdiyini də tapıblar. Məsələn, yapon əsilli amerikalı kişilər arasında xərçəng riski 20%, ağdərili kişilər arasında isə 24% azalıb.