Aztibb.az xəbər verir ki, bunu Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev deyib.

 

Uzman həkim xolesterolu dərmansız azaltmağın yollarını açıqlayıb. Bildirib ki, pəhrizdə heyvan mənşəli qidaların və yağların miqdarı minimuma endirilməlidir. Tərkibində omeqa-3 komponentləri olan balıq və qoz kimi qidaların istehlakına diqqət yetirilməlidir. Xolesterolu azaldan dərmanlarla oxşar təsir göstərən probiotik və prebiotik qidalar (qatıq, ayran, kefir və s.) istehlak edilməlidir. Bununla yanaşı, fiziki fəaliyyətin miqdarı artırılmalı, müntəzəm idmanla məşğul olunmalıdır.

 

Cabir Gülmalıyev qeyd edib ki, xəstələr həkim icazəsi olmadan xolesterol dərmanların qəbulunu heç vaxt dayandırmamalıdırlar.