Sentyabr döyüşlərində şəhid olan Vadim Qocayevin oğlu dünyaya gəlib
29.11.2022 21:47

Sentyabr ayında Ermənistan silahlı qüvvələrinin törətdiyi genişmiqyaslı təxribatın qarşısını alarkən şəhid olan Vadim Qocayevin oğlan övladı dünyaya gəlib.

 

Aztibb.az bu barədə İcbari Tibbi Sığorta üzrə Dövlət Agentliyinin feysbuk səhifəsinə istinadən xəbər verir.

 

"İcbari Tibbi Sığorta üzrə Dövlət Agentliyi olaraq riskli hamiləlik keçirən Ayşən xanıma tibbi və doğuş xidməti göstərməkdən məmnunluq hissi duyuruq. Zeyd balamıza isə sağlam həyat, atası kimi mərd, cəsur və igid olmağı arzu edirik!", - deyə bildirilib.

 

Qeyd edək ki, 1997-ci il təvəllüdlü şəhidimiz Qobustanın Sündü kəndindən idi. Vadim Qocayev sentyabrın 12-dən 13-ə keçən gecə düşmən təxribatı nəticəsində snayperlə vurulub.

Nərgiz Qəhramanova
Müəllifin digər yazıları