Binəqədi Tibb Mərkəzində "Farmakonəzarət sisteminin təşkili və bu işdə həkimlərin rolu" adlı maarifləndirici tədbir keçirilib.

Mərkəzdən Aztibb.az-a verilən məlumata görə, tədbirdə Binəqədi Tibb Mərkəzinin direktoru Əsədulla Sultanov farmakonəzarət sisteminin təkmilləşdirilməsinin vacibliyini qeyd edib. O, həkimlərin müalicə prosesində pasiyentlərə tərkibindən əmin olduqları və effektivliyinin yüksək olduğu təsdiqlənmiş dərman preparatlarını istifadə etmələrini xüsusi vurğulayıb.

Daha sonra Binəqədi Tibb Mərkəzinin farmakonəzarət üzrə məsul şəxsi Kəmalə Seyidova təqdimatla çıxış edərək bütün tibb müəssisələrində farmakonəzarətin önəmini qeyd edib.

Sonda mövzu ətrafında müzakirələr aparılıb, suallar cavablandırılıb.