Sumqayıt Tibb Mərkəzi (STM) tabeli tibb müəssisələrində maarifləndirici tədbirləri davam etdirir.

Mərkəzdən Aztibb.az-a bildirilib ki, növbəti belə seminar STM-in Tibb bacıları şöbəsinin təşkilatçılığı ilə 4 nömrəli Şəhər Xəstəxanasında keçirilib.

STM-in tabeliyində olan tibb müəssisələrinin baş tibb bacılarının qatıldığı tədbirdə 4 nömrəli Şəhər Xəstəxanasının tibb bacısı Rəqsanə Rzayeva “Tibbi alətlərin dezinfeksiyası və sterilizasiyası" mövzusunda təqdimatla cıxış edib.

O, bu sahədə mövcud olan qaydalar haqqında geniş məlumat verib.

Qeyd edək ki, tədbirdə STM-in Keyfiyyətə Nəzarət Komitəsinin rəhbəri Dünya Hüseynova və 4 nömrəli Şəhər Xəstəxanasının baş həkimi Əbdürrəhim Cəfərov da iştirak ediblər.