Bu barədə Aztibb.az-a Binəqədi Tibb Mərkəzinin həkim-allerqoloqu Nicat Əfəndiyev bildirib.

 

Həkim atopiya, genetik, cinsiyyət və respirator infeksiyaların astma üçün risk faktoru olduğunu qeyd edib. Onun sözlərinə görə, qida allergiyası, egzema, allergik rinit kimi atopik xəstəliklər astma ilə birgə müşahidə edilir.

 

Nicat Əfəndiyev astmanın simptomlarını da sadalayıb:

 

Nəfəs darlığı;

Nəfəsdə tıxanıqlıq;

Uzun müddətli öskürək;

Yuxudan oyandıran öskürək, xışıltı boğulma tutmaları.

 

Allerqoloq bildirib ki, astmanin simptomları triggerin (infeksiya, allergen və ya eqzersiz) təsirindən şiddətlənə bilər. Öskürəklə bərabər gecə oynamaları, xüsusilə uşaqlarda ilk simptom olaraq meydana çıxa bilər. Əvvəllər sadəcə gündüz simptomları olan xəstədə gecə simptomlarının meydana çıxması xəstəliyin proqressivləsdiyini göstərir. Hərəkət intensivliyi ilə artan öskürək astmanı düşündürməlidir.

 

"Atopiyalı xəstələrdə ailə hekayəsi diqqətə alınmalıdır. Diaqnostikada tənəffüs funksional testlər spirometriya müayinəsi və triggerləri aşkar edən prik testlər xüsusi əhəmiyyət daşıyır. Xəstəliyin müalicəsi yuxarıda qeyd olunan müayinələr və anamnez əsasında ixtisaslı həkim tərəfindən təyin edilməlidir. Yanlış təyin olunan hormonal preparatlar xəstəliyin sonralar daha da ağırlaşmasına və yanaşı digər xəstəliklərin meydana çıxmasına səbəb ola bilər", - deyə Nicat Əfəndiyev əlavə edib.