Rusiyanın paytaxtı Moskva şəhərində 170 180 pasiyent koronavirusdan sağalıb.

Aztibb.az vesti.ru resursuna istinadla xəbər verir ki, bu barədə Moskva merinin sosial inkişaf məsələləri üzrə müavini Anastasiya Rakova məlumat verib. O, bildirib ki, paytaxt xəstəxanalarından bir gün ərzində 543 insan evə buraxılıb.

A.Rakova əlavə edib ki, həkimlər pasiyentlərin sağalmasının təsdiqi üçün xüsusi tədqiqatlar aparırlar. Xəstəxanalardan buraxılmış, lakin hələ də köməyə ehtiyacı olan xəstələr üçün müvafiq tövsiyələr verilir.

Onun sözlərinə görə, xəstəlikdən sağalmış moskvalılara plazma donoru olmaq təklif olunur. Aprelin əvvəlindən COVID-19-u keçirmiş 1,7 mindən çox insan qan verib.