Nərimanov Tibb Mərkəzi uşaq və yeniyetmələrə də öz qayğısını əsirgəmir. Hər il olduğu kimi, bu dəfə də sağlamlıq imkanları məhdud uşaqlar üçün 5 nömrəli Respublika xüsusi internat məktəbində 3 nömrəli Poliklinika şöbəsinin dəstəyilə icbari tibbi dispanserizasiya həyata keçirib.

Bu barədə Aztibb.az-a Nərimanov Tibb Mərkəzindən məlumat verilib.

3 gün davam edən aksiyada uşaqların və yeniyetmələrin laborator instrumental müayinəsi aparılıb.

Müayinəni aparan heyətdə həkim pediatrlar Vəfa Həsənova, laborant Gülbahar Abbasova, tibb bacıları Elnurə Hacıyeva, Elmira Əkbərova, Mətanət Mustafayeva uşaqlara xüsusi yanaşaraq dispanserizasiyanın uğurlu alınmasına nail olublar.

Müəllif: Nərgiz Qəhrəmanova