Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir. 

Rubrikamızda bu dəfə Biləsuvar Rayon Mərkəzi Xəstəxanasının Laboratoriya şöbəsinin müdiri Zakir Cavadov haqqında məlumatları diqqətinizə çatdırırıq. 

Zakir Kral oğlu Cavadov 25 dekabr 1956-ci ildə Biləsuvar rayonunun Xırmandalı kəndində anadan olub. 1964-1974-cü illərdə Xırmandalı kəndində orta məktəbi bitirib. 1977-1979-cu illərdə hərbi xidmət göstərib.

1979-1985-ci ildə Azərbaycan Tibb Universitetinin Sanitar Gigiyena fakültəsində təhsil alıb. Mərkəzi Klinik Xəstəxanada internatura keçib.

O, 1985-ci ildən Biləsuvar Rayon Mərkəzi Xəstəxanasının Laboratoriya şöbəsində həkim-laborant kimi fəaliyyət göstərir. Həmçinin Biləsuvar Rayon Mərkəzi Xəstəxanasının Laboratoriya şöbəsinin müdiridir.

Zakir Cavadov hematologiya və qanköçürməyə dair elmi konfranslarda, həmçinin keçirilmiş qan aksiyalarında mütəmadi olaraq iştirak edib.

Müəllif: Səadət Məmmədova