K.Y.Fərəcova adına Elmi-Tədqiqat Pediatriya İnstitutunda (ETPİ) həkim rezidentlərin elmi fəaliyyətinə dəstək məqsədilə seminar keçirilib.

İnstitutdan Aztibb.az-a bildirilib ki, seminarda ETPİ-nin direktorunun elmi işlər üzrə müavini, t.e.d.,dos. Nailə Rəhimova, elmi katib, t.ü.f.d., dos. Sevinc Nəsirova, həkim əməkdaşkar və rezidentlər iştirak ediblər.

Uzman pediatr Raminə Rzayeva və həkim rezident Mehriban Abdullayeva “Sidik yolu infeksiyası” mövzusunda məqalə araşdırmasını iştirakçıların diqqətinə çatdırıb.

Bildirilib ki, uşaqlarda sidik yolu infeksiyası tənəffüs yolu infeksiyalarından sonra ikinci ən çox rastlanan infeksiya səbəbidir. Hər yaşda görülə bilər, xüsusilə həyatın ilk bir ili, sidik yolu infeksiyaları böyrəklərdə qalıcı zədələnmələrə səbəb ola biləciyindən bu yaş ən riskli dövr təşkil edir. Böyrəklərin zədələnməsi isə gələcəkdə yüksək təzyiqə və xroniki böyrək çatışmazlığına gətirə bilər.

Sonda mövzu üzrə müzakirələr aparılıb, suallar cavablandırılıb.

Müəllif: Səadət Məmmədova