“Həkimlərimizi tanıyaq!” rubrikamızda oxuculara Mərkəzi Gömrük Hospitalının həkim-immunoloqu Təranə Qonaqovanı təqdim edirik.

Təranə Qonaqova tibb sahəsində immunoseroloji, allerqik, biokimyəvi, ümumi klinik laborotor müayinələrin aparılmasında fəaliyyət göstərir.

O, 1981-1987-ci illərdə Azərbaycan Tibb Universitetinin Pediatriya fakültəsini fərqlənmə diplomu ilə bitirib, 1987-1988-ci illərdə 6 saylı Uşaq Klinik Xəstəxanasında "pediatriya" ixtisası üzrə internatura keçib.

1989-2010-cu illərdə müxtəlif dövlət və özəl tibb müəssisələrində həkim lobarant çalışıb. 2010-cu ildən Mərkəzi Gömrük Hospitalında həkim-immunoloq kimi fəaliyyət göstərir.

Təranə Qonaqova 1999-cu ildə Ə.Əliyev adına Azərbaycan Dövlət Həkimlərin Təkmilləşdirmə İnstitutunda “Kliniki laborotoriya diaqnostikasının təşkili” üzrə ixtisaslaşdırma kursunda, 2011-ci ildə Türkiyənin “Nəsil Qrup” Cəmiyyətinin təşkilatçılığı ilə “Autoimmun infeksion və allerqoloji diaqnostika” təlimində, 2015-ci ildə Rusiyanın DNK Texnologiyaları kompaniyasının təşkilatçılığı ilə keçirilən “PZR Real Vaxt; həkimlər üçün diaqnostikanın yeni imkanları” mövzusunda elmi praktik konfransda, 2019-cu il Labservis LTD-nin təşkilatçılığı ilə “Əsas Kardioloji markerlərin kliniki tətbiqi və interpretasiyası. Anti-Müller Hormonun reproduktiv potensialın müayinəsində rolu” mövzusunda seminarda iştirak edib.

Həkim, həmçinin Azərbaycan Milli Akkreditasiya sisteminin gücləndirilməsi” Tvinniq layihəsinin təşkilatçılığı ilə İSO 15189;2022 Tibbi laborotoriyada keyfiyyətə dair tələblər mövzusunda təlimin, Azərbaycan Tibb Universiteti Tədris Terapevtik Klinikasının təşkilatçılığı ilə keçirilmiş “Süni intellektə əsaslanan mikrobiom analizi” adlı simpoziumun iştirakçısı olub.

Müəllif: Nərgiz Qəhrəmanova