Aztibb.az-ın "Həkimlərimizi tanıyaq!" rubrikasında Binəqədi Tibb Mərkəzinin Terapiya şöbəsinin müdiri Kəmalə Abdullayeva haqqında məlumatları diqqətinizə çatdırırıq.
Kəmalə Abdullayeva 5 avqust 1980-ci ildə Bakı şəhərində anadan olub. 1997-2003-cü illərdə Azərbaycan Tibb Universitetinin I Müalicə-profilaktika fakültəsində təhsil alıb. 2003-2004-cü illərdə Respublika Klinik Xəstəxanasında internatura keçərək həkim-kardioloq ixtisasına yiyələnib.
O, 2007-2014-cü illərdə Mərkəzi Klinik Xəstəxanada çalışıb. 2014-2021-ci illərdə özəl klinikalarda işləyib. 16 dekabr 2021-ci il tarixində Binəqədi Tibb Mərkəzində həkim-kardioloq vəzifəsində fəaliyyətə başlayıb. 2 noyabr 2022-ci tarixindən Binəqədi Tibb Mərkəzinin Terapiya şöbəsinin müdiridir.
Kəmalə Abdullayeva bir çox beynəlxalq nüfuzlu konfransların iştirakçısı olub. Azərbaycan, Türkiyə və Avropa Kardiologiya cəmiyyətlərinin üzvüdür.
Müəllif: Zamiq İbrahimov