K.Y.Fərəcova adına Elmi-Tədqiqat Pediatriya İnstitutu və Çocuk Acil Tıp ve Yoğun Bakım Derneğinin birgə təşkilatçılığı ilə “Uşaqlarda Təkmil Həyata Dəstək" (ÇİYAD) kursunun ikinci günü uğurla sona çatıb.
Bu barədə Aztibb.az-a Elmi-Tədqiqat Pediatriya İnstitutundan bildirilib.
Nəzəri və praktiki qaydada keçirilən kursun ikinci günündə Tanıl Kendirli "Uşaqlarda İrəli Həyat Dəstəyində Dərmanlar", Murat Duman “Kursdan əvvəl dəyərləndirmə. İmtahan suallarının müzakirəsi” mövzularında çıxışlar ediblər.
Praktiki hissədə Dinçer Yıldızdaş, Emel Ulusoy “Şok ssenariləri və sümükdaxili müdaxilənin tətbiqi”, Murat Duman, Tanıl Kendirli “ Uşaqlarda çox qarşılaşılan ritm pozulmaları” maket üzərində tətbiq ediblər.
Sonda yazılı imtahandan uğurla keçən kurs iştirakçılarına sertifikatlar təqdim olunub.
Müəllif: Səadət Məmmədova